zamin panw tale sar pe aasman liye

zamīn paañv tale sar pe āsmān liye

nidā-e-ġhaib ko jaatā huuñ bahre kaan liye

maiñ baḌh rahā huuñ kisī rād-e-abr kī jānib

badan ko tark kiye aur apnī jaan liye

ye merā zarf ki maiñ ne asāsa-e-shab se

bas ek ḳhvāb liyā aur chand sham.a-dān liye

maiñ sat.h-e-āb pe apne qadam jamā lūñgā

badan kī aag liye aur kisī kā dhyān liye

maiñ chal paḌūñgā sitāroñ kī raushnī le kar

kisī vajūd ke markaz ko darmiyān liye

parinde merā badan dekhte the hairat se

maiñ uḌ rahā thā ḳhalā meñ ajiib shaan liye

qalīl vaqt meñ yuuñ maiñ ne irtikāz kiyā

bas ik jahān ke andar ka.ī jahān liye

abhī to mujh se merī saañs bhī thī nā-mānūs

ki dast-e-marg ne neze badan pe taan liye

zamīñ khaḌī hai ka.ī laakh nuurī sāloñ se

kisī hayāt-e-musalsal kī dāstān liye

zamin panw tale sar pe aasman liye

nida-e-ghaib ko jata hun bahre kan liye

main baDh raha hun kisi rad-e-abr ki jaanib

badan ko tark kiye aur apni jaan liye

ye mera zarf ki main ne asasa-e-shab se

bas ek KHwab liya aur chand shama-dan liye

main sath-e-ab pe apne qadam jama lunga

badan ki aag liye aur kisi ka dhyan liye

main chal paDunga sitaron ki raushni le kar

kisi wajud ke markaz ko darmiyan liye

parinde mera badan dekhte the hairat se

main uD raha tha KHala mein ajib shan liye

qalil waqt mein yun main ne irtikaz kiya

bas ek jahan ke andar kai jahan liye

abhi to mujh se meri sans bhi thi na-manus

ki dast-e-marg ne neze badan pe tan liye

zamin khaDi hai kai lakh nuri salon se

kisi hayat-e-musalsal ki dastan liye