zamin par fasl-e-gul aai falak par mahtab aaya
zamīñ par fasl-e-gul aa.ī falak par māhtāb aayā
sabhī aa.e magar koī na shāyān-e-shabāb aayā
mirā ḳhat paḌh ke bole nāma-bar se jā ḳhudā-hāfiz
javāb aayā mirī qismat se lekin lā-javāb aayā
ujāle garmi-e-raftār kā hī saath dete haiñ
baserā thā jahāñ apnā vahīñ tak āftāb aayā
'shakīl' apne mazāq-e-dīd kī takmīl kyā hogī
idhar nazroñ ne himmat kī udhar ruḳh par naqāb aayā
zamin par fasl-e-gul aai falak par mahtab aaya
sabhi aae magar koi na shayan-e-shabab aaya
mera KHat paDh ke bole nama-bar se ja KHuda-hafiz
jawab aaya meri qismat se lekin la-jawab aaya
ujale garmi-e-raftar ka hi sath dete hain
basera tha jahan apna wahin tak aaftab aaya
'shakil' apne mazaq-e-did ki takmil kya hogi
idhar nazron ne himmat ki udhar ruKH par naqab aaya
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
