zamin par moajiza karne ki sazish

zamīñ par mo.ajiza karne kī sāzish

butoñ ko devtā karne kī sāzish

hamārā chīḳhnā jismoñ ke andar

ḳhamoshī ko sadā karne kī sāzish

daraḳhtoñ par banānā naqsha dil ke

inheñ goyā harā karne kī sāzish

kushāda ik qafas hai āsmāñ bhī

ise kiije ḳhalā karne kī sāzish

hamīñ se manziloñ kā kaam lenā

hamīñ ko rāsta karne kī sāzish

ye har mausam parindoñ ko uḌānā

ye pinjroñ ko ḳhafā karne kī sāzish

tujhe mujh se tavaqqo.a hī nahīñ kuchh

mujhe ya.anī ḳhudā karne kī sāzish

zamin par moajiza karne ki sazish

buton ko dewta karne ki sazish

hamara chiKHna jismon ke andar

KHamoshi ko sada karne ki sazish

daraKHton par banana naqsha dil ke

inhen goya hara karne ki sazish

kushada ek qafas hai aasman bhi

ise kije KHala karne ki sazish

hamin se manzilon ka kaam lena

hamin ko rasta karne ki sazish

ye har mausam parindon ko uDana

ye pinjron ko KHafa karne ki sazish

tujhe mujh se tawaqqoa hi nahin kuchh

mujhe yani KHuda karne ki sazish