zamin pe jab kabhi jalwe nazar ke dekhte hain

zamīñ pe jab kabhī jalve nazar ke dekhte haiñ

ham āsmān se aksar utar ke dekhte haiñ

balā kā husn hai us kī subuk adāoñ meñ

jo be-niyāz haiñ vo bhī Thahar ke dekhte haiñ

ye hausla hai hamārā ki bāl-o-par apne

uḌaan bharne se pahle katar ke dekhte haiñ

zarūr dil meñ koī ḳhvāhish-e-safar hogī

vo bār-bār hameñ kyoñ sañvar ke dekhte haiñ

unhī ko miltī hai har gaam pe na.ī manzil

tamām 'umr jo imkāñ safar ke dekhte haiñ

vo nā-tavāñ ho yā ġhāzī yā ahl-e-sarvat ho

tamām log tumheñ aah bhar ke dekhte haiñ

jise zamāna samajhtā hai pur-ḳhatar 'sāhil'

ham aisī raah se aksar guzar ke dekhte haiñ

zamin pe jab kabhi jalwe nazar ke dekhte hain

hum aasman se aksar utar ke dekhte hain

bala ka husn hai us ki subuk adaon mein

jo be-niyaz hain wo bhi Thahar ke dekhte hain

ye hausla hai hamara ki baal-o-par apne

uDan bharne se pahle katar ke dekhte hain

zarur dil mein koi KHwahish-e-safar hogi

wo bar-bar hamein kyon sanwar ke dekhte hain

unhi ko milti hai har gam pe nai manzil

tamam 'umr jo imkan safar ke dekhte hain

wo na-tawan ho ya ghazi ya ahl-e-sarwat ho

tamam log tumhein aah bhar ke dekhte hain

jise zamana samajhta hai pur-KHatar 'sahil'

hum aisi rah se aksar guzar ke dekhte hain