zamin pe rah ke dimagh aasman se milta hai
zamīñ pe rah ke dimāġh āsmāñ se miltā hai
kabhī ye sar jo tire āstāñ se miltā hai
isī zamīñ se isī āsmāñ se miltā hai
ye kaun detā hai āḳhir kahāñ se miltā hai
sunā hai luuT liyā hai kisī ko rahbar ne
ye vāqi.a to mirī dāstāñ se miltā hai
dar-e-habīb bhī hai but-kada bhī ka.aba bhī
ye dekhnā hai sakūñ ab kahāñ se miltā hai
talab na ho to kisī dar se kuchh nahīñ miltā
agar talab ho to donoñ jahāñ se miltā hai
vahīñ chalo vahīñ ab ham bhī haath phailā.eñ
'shamīm' saare jahāñ ko jahāñ se miltā hai
zamin pe rah ke dimagh aasman se milta hai
kabhi ye sar jo tere aastan se milta hai
isi zamin se isi aasman se milta hai
ye kaun deta hai aaKHir kahan se milta hai
suna hai luT liya hai kisi ko rahbar ne
ye waqia to meri dastan se milta hai
dar-e-habib bhi hai but-kada bhi kaba bhi
ye dekhna hai sakun ab kahan se milta hai
talab na ho to kisi dar se kuchh nahin milta
agar talab ho to donon jahan se milta hai
wahin chalo wahin ab hum bhi hath phailaen
'shamim' sare jahan ko jahan se milta hai
- Book : Junoon (Pg. 224)
- Author : Naseem Muqri
- Publication : Naseem Muqri (1990)
- Edition : 1990
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
