zamin se aasman tak aa gae hain

zamīñ se āsmāñ tak aa ga.e haiñ

chale haiñ to kahāñ tak aa ga.e haiñ

musāfir in jhameloñ meñ paḌeñ kyoñ

kahāñ se ham kahāñ tak aa ga.e haiñ

nazar ke sāmne vo āstāñ hai

yaqīñ vaale kahāñ tak aa ga.e haiñ

hue haiñ baat karne par vo raazī

zahe qismat yahāñ tak aa ga.e haiñ

ḳhirad kī āḳhirī manzil vahī hai

junūñ vaale jahāñ tak aa ga.e haiñ

huī ik saañs meñ tai ye masāfat

makāñ se lā-makāñ tak aa ga.e haiñ

gañvā dī zindagī bhar kī kamā.ī

gile nok-e-zabāñ tak aa ga.e haiñ

zamin se aasman tak aa gae hain

chale hain to kahan tak aa gae hain

musafir in jhamelon mein paDen kyon

kahan se hum kahan tak aa gae hain

nazar ke samne wo aastan hai

yaqin wale kahan tak aa gae hain

hue hain baat karne par wo raazi

zahe qismat yahan tak aa gae hain

KHirad ki aaKHiri manzil wahi hai

junun wale jahan tak aa gae hain

hui ek sans mein tai ye masafat

makan se la-makan tak aa gae hain

ganwa di zindagi bhar ki kamai

gile nok-e-zaban tak aa gae hain