zamin se uThne lagin ungliyan sitaron par

zamīñ se uThne lagīñ uñgliyāñ sitāroñ par

ye kis kā ḳhuun chamaktā hai regzāroñ par

fasīl-e-shahr-e-mohabbat kī ḳhair ho maulā

kamāñ-ba-dast sipāhī haiñ sab mināroñ par

ab is ke baa'd ḳhudā jaane nāḳhudā jaane

shikasta naav ko rakh to diyā hai dhāroñ par

junūn-e-qāfila-sāzī tirā qubūl magar

ye raah tang na ho jaa.e shahsavāroñ par

tumheñ to sirf ye iizā ki Dūbnā hai tumheñ

hameñ to paañv bhī rakhne haiñ un kināroñ par

sunā to ye thā ki sab tā.ir-e-vafā ḳhush haiñ

zamīñ pe bikhre paḌe haiñ magar hazāroñ par

zamin se uThne lagin ungliyan sitaron par

ye kis ka KHun chamakta hai regzaron par

fasil-e-shahr-e-mohabbat ki KHair ho maula

kaman-ba-dast sipahi hain sab minaron par

ab is ke ba'd KHuda jaane naKHuda jaane

shikasta naw ko rakh to diya hai dhaaron par

junun-e-qafila-sazi tera qubul magar

ye rah tang na ho jae shahsawaron par

tumhein to sirf ye iza ki Dubna hai tumhein

hamein to panw bhi rakhne hain un kinaron par

suna to ye tha ki sab tair-e-wafa KHush hain

zamin pe bikhre paDe hain magar hazaron par