zamir-e-nau-e-insani ke din hain

zamīr-e-nau-e-insānī ke din haiñ

sadāqat kī jahāñbānī ke din haiñ

tilism-e-sub.h-kāzib ḳhud hī TuuTā

tulūa-e-sub.h-e-nūrānī ke din haiñ

jumūd-e-fikr toḌā phir bashar ne

urūj-e-zehn-e-insānī ke din haiñ

hukūmat-e-vaqf-e-istibdād kyuuñ ho

usī nukte kī arzānī ke din haiñ

hue be-dast-o-pā zālim purāne

sitam kī ḳhāna-vīrānī ke din haiñ

khulī har-fard-o-har-millat kī qismat

ki āzādī kī sultānī ke din haiñ

'sahar' vājib hai ta.azīm-e-taġhayyur

ye maanā ham ne hairānī ke din haiñ

zamir-e-nau-e-insani ke din hain

sadaqat ki jahanbani ke din hain

tilism-e-subh-kazib KHud hi TuTa

tulua-e-subh-e-nurani ke din hain

jumud-e-fikr toDa phir bashar ne

uruj-e-zehn-e-insani ke din hain

hukumat-e-waqf-e-istibdad kyun ho

usi nukte ki arzani ke din hain

hue be-dast-o-pa zalim purane

sitam ki KHana-virani ke din hain

khuli har-fard-o-har-millat ki qismat

ki aazadi ki sultani ke din hain

'sahar' wajib hai tazim-e-taghayyur

ye mana hum ne hairani ke din hain