zang-KHurda lab achanak aaftabi ho gae
zañg-ḳhurda lab achānak āftābī ho ga.e
us gul-e-ḳhush-rañg ko chhū kar gulābī ho ga.e
is ġhazal par āyat-e-paiġhambarī utrī hai kyā
log kahte haiñ ki sab misre sahābī ho ga.e
jhūmne lagte haiñ us ko dekhte hī baaġh meñ
aise lagtā hai parinde bhī sharābī ho ga.e
ab to mujh par bhī nahīñ khultā hai darvāza mirā
tum to aate hī mire kamre kī chābī ho ga.e
dost ādam-ḳhor chiḌiyoñ se abhī hai vāsta
kyā karūñgā jab kabūtar bhī uqābī ho ga.e
zang-KHurda lab achanak aaftabi ho gae
us gul-e-KHush-rang ko chhu kar gulabi ho gae
is ghazal par aayat-e-paighambari utri hai kya
log kahte hain ki sab misre sahabi ho gae
jhumne lagte hain us ko dekhte hi bagh mein
aise lagta hai parinde bhi sharabi ho gae
ab to mujh par bhi nahin khulta hai darwaza mera
tum to aate hi mere kamre ki chabi ho gae
dost aadam-KHor chiDiyon se abhi hai wasta
kya karunga jab kabutar bhi uqabi ho gae
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
