zanjir-e-intizar se mujhko riha kare

zanjīr-e-intizār se mujh ko rihā kare

ab ke baras to aan mile vo ḳhudā kare

ik aur iiñT gir ga.ī dīvār-e-umr kī

har roz mujh se Dūbtā sūraj kahā kare

aate haiñ aur log kudāleñ sambhāl kar

mīnāra-e-badan se kaho aasrā kare

jab dostoñ ke rābte bhī dushmanoñ se hoñ

mushkil paḌe to kis se koī mashvara kare

kamzor huuñ par itnā bhī kamzor maiñ nahīñ

dushman bhī raat din mire haq meñ duā kare

jo aap devtā vatan-e-shā.irī kā ho

mujh aisā kam-hunar use hairān kyā kare

guzre hue din ek dafa aa.e haiñ zarūr

nāsir bashīr dil se kaho hausla kare

zanjir-e-intizar se mujh ko riha kare

ab ke baras to aan mile wo KHuda kare

ek aur inT gir gai diwar-e-umr ki

har roz mujh se Dubta suraj kaha kare

aate hain aur log kudalen sambhaal kar

minara-e-badan se kaho aasra kare

jab doston ke rabte bhi dushmanon se hon

mushkil paDe to kis se koi mashwara kare

kamzor hun par itna bhi kamzor main nahin

dushman bhi raat din mere haq mein dua kare

jo aap dewta watan-e-shairi ka ho

mujh aisa kam-hunar use hairan kya kare

guzre hue din ek dafa aae hain zarur

nasir bashir dil se kaho hausla kare