zanjir ne ki jumbish wahshat ne li angDai

zanjīr ne kī jumbish vahshat ne lī añgḌā.ī

shāyad ki bahār aa.ī shāyad ki bahār aa.ī

yak-rañgī-o-yaksūī yakjihatī-o-yakjā.ī

kahte haiñ junūñ jis ko hai asl meñ dānā.ī

itnā to batā ai dil ye kaun sī manzil hai

ab ḳhud hī tamāshā huuñ aur ḳhud hī tamāshā.ī

dīvāna huuñ maiñ be-shak dīvāna magar kis kā

pūchhe to koī un se ye kis kī hai rusvā.ī

mumkin jo nahīñ terā duniyā meñ hameñ milnā

mahshar hī meñ mil leñge tujh se tire shaidā.ī

ye sāqi-e-mehvish hai vo jām-e-mai-e-rañgīñ

hai aur kahāñ jannat jannat ke tamannā.ī

be-vaj.h se taskīñ hai kyuuñ aaj 'sahar' mujh ko

kaun aayā hai ghar mere vo haiñ ki qazā aa.ī

zanjir ne ki jumbish wahshat ne li angDai

shayad ki bahaar aai shayad ki bahaar aai

yak-rangi-o-yaksui yakjihati-o-yakjai

kahte hain junun jis ko hai asl mein danai

itna to bata ai dil ye kaun si manzil hai

ab KHud hi tamasha hun aur KHud hi tamashai

diwana hun main be-shak diwana magar kis ka

puchhe to koi un se ye kis ki hai ruswai

mumkin jo nahin tera duniya mein hamein milna

mahshar hi mein mil lenge tujh se tere shaidai

ye saqi-e-mehwish hai wo jam-e-mai-e-rangin

hai aur kahan jannat jannat ke tamannai

be-wajh se taskin hai kyun aaj 'sahar' mujh ko

kaun aaya hai ghar mere wo hain ki qaza aai