ذرا بے اختیار رہنے دے

ذرا بے اختیار رہنے دے

میرا دل بے قرار رہنے دے

چھوڑ دے اپنے حال پر مجھ کو

نہ ستا اب کے یار رہنے دے

سوز کچھ دن مزید دل میں رہے

تیر نظروں کا پار رہنے دے

بے وفا ہوں وفا نہ کر پایا

کچھ ہی دن شرمسار رہنے دے

نہ دعا دے نہ ہی دوا دے بس

عشق کا یہ بخار رہنے دے

پیار جو مانگ کر لیا تجھ سے

ہاں وہی بس ادھار رہنے دے

زخم بھرنے میں وقت لگتا ہے

درد کے اور وار رہنے دے

حال مت پوچھ مجھ سے تو کاشفؔ

دل پہ چھایا غبار رہنے دے