zara be-iKHtiyar rahne de

zarā be-iḳhtiyār rahne de

merā dil be-qarār rahne de

chhoḌ de apne haal par mujh ko

na satā ab ke yaar rahne de

soz kuchh din mazīd dil meñ rahe

tiir nazroñ kā paar rahne de

bevafā huuñ vafā na kar paayā

kuchh hī din sharmsār rahne de

na duā de na hī davā de bas

ishq kā ye buḳhār rahne de

pyaar jo maañg kar liyā tujh se

haañ vahī bas udhār rahne de

zaḳhm bharne meñ vaqt lagtā hai

dard ke aur vaar rahne de

haal mat pūchh mujh se tū 'kāshif'

dil pe chhāyā ġhubār rahne de

zara be-iKHtiyar rahne de

mera dil be-qarar rahne de

chhoD de apne haal par mujh ko

na sata ab ke yar rahne de

soz kuchh din mazid dil mein rahe

tir nazron ka par rahne de

bewafa hun wafa na kar paya

kuchh hi din sharmsar rahne de

na dua de na hi dawa de bas

ishq ka ye buKHar rahne de

pyar jo mang kar liya tujh se

han wahi bas udhaar rahne de

zaKHm bharne mein waqt lagta hai

dard ke aur war rahne de

haal mat puchh mujh se tu 'kashif'

dil pe chhaya ghubar rahne de