zara bhi kaam na aaega muskurana kya
zarā bhī kaam na aa.egā muskurānā kyā
tanā rahegā udāsī kā shāmiyāna kyā
maiñ chāhtā huuñ takalluf bhī tark kar do tum
nahīñ haiñ ab vo marāsim to ānā-jānā kyā
tamām tīr-o-tabar kyā mire liye hī haiñ
mujhī pe lagnā hai duniyā kā har nishāna kyā
unhīñ ko chiir ke baḌhnā hai ab kināre par
utar ga.e haiñ to lahroñ se ḳhauf khānā kyā
yuuñ apnī zaat ke dar par khaḌe ho kab se tum
ki apne ghar bhī hai āvāz de ke jaanā kyā
zara bhi kaam na aaega muskurana kya
tana rahega udasi ka shamiyana kya
main chahta hun takalluf bhi tark kar do tum
nahin hain ab wo marasim to aana-jaana kya
tamam tir-o-tabar kya mere liye hi hain
mujhi pe lagna hai duniya ka har nishana kya
unhin ko chir ke baDhna hai ab kinare par
utar gae hain to lahron se KHauf khana kya
yun apni zat ke dar par khaDe ho kab se tum
ki apne ghar bhi hai aawaz de ke jaana kya
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
