ذرا لب ہلا دے اگر تو ہے زندہ
ذرا لب ہلا دے اگر تو ہے زندہ
کوئی تو صدا دے اگر تو ہے زندہ
مکاں کس کا ہوگا زمیں کس کی ہوگی
یہ جھگڑا مٹا دے اگر تو ہے زندہ
سب احباب بھوکے ہی بیٹھے ہوئے ہیں
کچھ ان کو کھلا دے اگر تو ہے زندہ
کفن کالے صندوق میں ہی پڑا ہے
خود اٹھ کے بتا دے اگر تو ہے زندہ
تری سانس تھمنے کے سب منتظر ہیں
گلا خود دبا دے اگر تو ہے زندہ
خدا کے سوا تیرا کوئی نہیں ہے
منادی کرا دے اگر تو ہے زندہ
خدا تجھ کو اب موت دے دے مکمل
یہی اک دعا دے اگر تو ہے زندہ
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
