zara si baat thi baat aa gai judai tak

zarā sī baat thī baat aa ga.ī judā.ī tak

hañsī ne chhoḌ diyā lā ke jag-hañsā.ī tak

bhale se ab koī terī bhalā.ī ginvā.e

ki maiñ ne chāhā thā tujh ko tirī burā.ī tak

tū chupke chupke muravvat se kyuuñ bichhaḌtā hai

mirā ġhurūr bhī thā terī kaj-adā.ī tak

mujhe to apnī nadāmat kī daad bhī na milī

maiñ us ke saath rahā apnī nā-rasā.ī tak

is ā.īne kā to ab reza reza chubhtā hai

ye ā.īna jise taktī rahī ḳhudā.ī tak

ye hādsa hai mire zabt-e-hāl ke hāthoñ

safed ho ga.ī kāġhaz pe raushnā.ī tak

pukārtī rahīñ āñkheñ chalā gayā hai koī

vo ik sukūt thā āvāz se duhā.ī tak

nikal ke dekhā qafas se to aañkh bhar aa.ī

vo fasl-e-gul ki khaḌī thī mirī rihā.ī tak

ġhazab hai TuuT ke chāhā thā 'shāz' ne jis ko

sunā ye rasm bhī thī sūrat-āshnā.ī tak

zara si baat thi baat aa gai judai tak

hansi ne chhoD diya la ke jag-hansai tak

bhale se ab koi teri bhalai ginwae

ki main ne chaha tha tujh ko teri burai tak

tu chupke chupke murawwat se kyun bichhaDta hai

mera ghurur bhi tha teri kaj-adai tak

mujhe to apni nadamat ki dad bhi na mili

main us ke sath raha apni na-rasai tak

is aaine ka to ab reza reza chubhta hai

ye aaina jise takti rahi KHudai tak

ye hadsa hai mere zabt-e-haal ke hathon

safed ho gai kaghaz pe raushnai tak

pukarti rahin aankhen chala gaya hai koi

wo ek sukut tha aawaz se duhai tak

nikal ke dekha qafas se to aankh bhar aai

wo fasl-e-gul ki khaDi thi meri rihai tak

ghazab hai TuT ke chaha tha 'shaz' ne jis ko

suna ye rasm bhi thi surat-ashnai tak