zara si dhup zara si nami ke aane se

Alam Khursheed

zara si dhup zara si nami ke aane se

Alam Khursheed

MORE BY Alam Khursheed

    zarā dhuup zarā namī ke aane se

    maiñ uThā huuñ zarā tāzgī ke aane se

    udaas ho ga.e ik pal meñ shādmāñ chehre

    mire laboñ pe zarā hañsī ke aane se

    dukhoñ ke yaar bichhaḌne lage haiñ ab mujh se

    ye sāneha bhī huā hai ḳhushī ke aane se

    karaḳht hone lage haiñ bujhe hue lahje

    mire mizāj meñ shā.istagī ke aane se

    bahut sukūn se rahte the ham añdhere meñ

    fasād paidā huā raushnī ke aane se

    yaqīn hotā nahīñ shahr-e-dil achānak yuuñ

    badal gayā hai kisī ajnabī ke aane se

    maiñ rote rote achānak hañs paḌā 'ālam'

    tamāsh-bīnoñ meñ sanjīdgī ke aane se

    zara si dhup zara si nami ke aane se

    main ji uTha hun zara tazgi ke aane se

    udas ho gae ek pal mein shadman chehre

    mere labon pe zara si hansi ke aane se

    dukhon ke yar bichhaDne lage hain ab mujh se

    ye saneha bhi hua hai KHushi ke aane se

    karaKHt hone lage hain bujhe hue lahje

    mere mizaj mein shaistagi ke aane se

    bahut sukun se rahte the hum andhere mein

    fasad paida hua raushni ke aane se

    yaqin hota nahin shahr-e-dil achanak yun

    badal gaya hai kisi ajnabi ke aane se

    main rote rote achanak hi hans paDa 'alam'

    tamash-binon mein sanjidgi ke aane se

    Videos
    This video is playing from YouTube

    Videos
    This video is playing from YouTube

    Unknown

    Unknown

    Source:

    • Book : Istifsaar (Pg. 36)
    • Author : Sheen Kaaf Nizam, Aadil Raza Mansoori
    • Publication : Aadil Raza Mansoori (Issue No. 1, Oct To Dec. 2013)
    • Edition : Issue No. 1, Oct To Dec. 2013
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY