zara socha to kya kya zehn se manzar nikal aae

zarā sochā to kyā kyā zehn se manzar nikal aa.e

mire ehsās ke kuchh khañDaroñ se ghar nikal aa.e

lageñ dene sabaq vo phir parindoñ ko uḌānoñ kā

zarā se shahr meñ jab chīñtiyoñ ke par nikal aa.e

ye aalam hai ki jab bhī ghar meñ kuchh DhūñDne baiThā

purāne kāġhazoñ se yaad ke manzar nikal aa.e

lagā jab yuuñ ki uktāne lagā hai dil ujāloñ se

use mahfil se us kī alvidā.a kah kar nikal aa.e

dikhā.ī de kabhī ye mo.ajiza bhī mujh ko ulfat meñ

kisī shab chāñd ban kar vo mirī chhat par nikal aa.e

mile haiñ zaḳhm jab se 'shoḳh' vo gulshan se bartā hai

bharosa kuchh nahīñ kis phuul se patthar nikal aa.e

zara socha to kya kya zehn se manzar nikal aae

mere ehsas ke kuchh khanDaron se ghar nikal aae

lagen dene sabaq wo phir parindon ko uDanon ka

zara se shahr mein jab chintiyon ke par nikal aae

ye aalam hai ki jab bhi ghar mein kuchh DhunDne baiTha

purane kaghazon se yaad ke manzar nikal aae

laga jab yun ki uktane laga hai dil ujalon se

use mahfil se us ki alwidaa kah kar nikal aae

dikhai de kabhi ye moajiza bhi mujh ko ulfat mein

kisi shab chand ban kar wo meri chhat par nikal aae

mile hain zaKHm jab se 'shoKH' wo gulshan se barta hai

bharosa kuchh nahin kis phul se patthar nikal aae