zard patton ki ye rut kya kya na samjhae mujhe

zard pattoñ kī ye rut kyā kyā na samjhā.e mujhe

har thakā haarā shajar ā.īna dikhlā.e mujhe

der tak mahkā kiyā vīrāna-e-kunj-e-ḳhayāl

us se mil ke motiye ke phuul yaad aa.e mujhe

apnī gahrā.ī kā mujh ko ḳhud bhī andāza nahīñ

ḳhud meñ jab Dūbūñ samundar sā nazar aa.e mujhe

gardish-e-taqdīr ke kuchh haiñ musalsal dā.ere

har janam merā ġhalat tahrīr kar jaa.e mujhe

hasrat-e-tāmīr meñ miTTī mirī barbād ho

jur.at-e-iz.hār dīvāroñ meñ chunvā.e mujhe

merī hastī ko vo jaise chāhe vaise hal kare

zarb de mujh ko kabhī taqsīm kar jaa.e mujhe

zard patton ki ye rut kya kya na samjhae mujhe

har thaka haara shajar aaina dikhlae mujhe

der tak mahka kiya virana-e-kunj-e-KHayal

us se mil ke motiye ke phul yaad aae mujhe

apni gahrai ka mujh ko KHud bhi andaza nahin

KHud mein jab Dubun samundar sa nazar aae mujhe

gardish-e-taqdir ke kuchh hain musalsal daere

har janam mera ghalat tahrir kar jae mujhe

hasrat-e-tamir mein miTTi meri barbaad ho

jurat-e-izhaar diwaron mein chunwae mujhe

meri hasti ko wo jaise chahe waise hal kare

zarb de mujh ko kabhi taqsim kar jae mujhe