zard peDon pe sham hai giryan
zard peḌoñ pe shaam hai giryāñ
jī udāsī ke dasht meñ hairāñ
nīm-raushan siyāhiyāñ har sū
aur havā.eñ sukūt par ḳhandāñ
Thahre paanī ke sard shīshe meñ
guzre mausam ke aks haiñ larzāñ
sab ke hoñToñ pe jam ga.iiñ bāteñ
sab kī āñkhoñ meñ raat nauha-ḳhvāñ
rabt rishtoñ ke rañg haiñ phīke
ḳhvāb qisse kahāniyāñ be-jāñ
jo thā raste kī raushnī 'fikrī'
vo bhī nazroñ se ho gayā pinhāñ
zard peDon pe sham hai giryan
ji udasi ke dasht mein hairan
nim-raushan siyahiyan har su
aur hawaen sukut par KHandan
Thahre pani ke sard shishe mein
guzre mausam ke aks hain larzan
sab ke honTon pe jam gain baaten
sab ki aankhon mein raat nauha-KHwan
rabt rishton ke rang hain phike
KHwab qisse kahaniyan be-jaan
jo tha raste ki raushni 'fikri'
wo bhi nazron se ho gaya pinhan
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
