zarf-e-shabnam se jal gae aansu

zarf-e-shabnam se jal ga.e aañsū

ātish-e-gul meñ Dhal ga.e aañsū

sozish-e-ġham meñ sham.a jaltī rahī

mom ban kar pighal ga.e aañsū

chāñdnī tujh meñ khoī khoī rahī

kahkashāñ ban ke Dhal ga.e aañsū

ik kasak sī rahī rag-e-dil meñ

ḳhuun meñ phir badal ga.e aañsū

koī TuuTā hai ḳhvāb pyaar bharā

phir yakāyak machal ga.e aañsū

zarf-e-shabnam se jal gae aansu

aatish-e-gul mein Dhal gae aansu

sozish-e-gham mein shama jalti rahi

mom ban kar pighal gae aansu

chandni tujh mein khoi khoi rahi

kahkashan ban ke Dhal gae aansu

ek kasak si rahi rag-e-dil mein

KHun mein phir badal gae aansu

koi TuTa hai KHwab pyar bhara

phir yakayak machal gae aansu