zarf to dekhiye mere dil-e-shaidai ka

zarf to dekhiye mere dil-e-shaidā.ī kā

jām-e-mai ban gayā ik mast-e-ḳhud-ārā.ī kā

jī meñ aatā hai ki phūloñ kī uḌā duuñ ḳhushbū

rañg uḌā laa.e haiñ zālim tirī ra.anā.ī kā

maiñ abhī un ko shanāsā-e-mohabbat kar duuñ

kaash mauqa.a to mile un se shanāsā.ī kā

bhuul jāoge yahāñ aa ke tum apnā aalam

tum ne dekhā nahīñ gosha mirī tanhā.ī kā

tum ne ka.aba to banāyā hai 'sharaf' ke dil ko

hukm is ka.abe meñ do sab ko jabīñ-sā.ī kā

zarf to dekhiye mere dil-e-shaidai ka

jam-e-mai ban gaya ek mast-e-KHud-arai ka

ji mein aata hai ki phulon ki uDa dun KHushbu

rang uDa lae hain zalim teri ranai ka

main abhi un ko shanasa-e-mohabbat kar dun

kash mauqa to mile un se shanasai ka

bhul jaoge yahan aa ke tum apna aalam

tum ne dekha nahin gosha meri tanhai ka

tum ne kaba to banaya hai 'sharaf' ke dil ko

hukm is kabe mein do sab ko jabin-sai ka