ذرہ ذرہ سے یوں خدا نکلا

ذرہ ذرہ سے یوں خدا نکلا

ایک تیرے مرے سوا نکلا

ہم جو بنتے تھے سر پھرے اتنے

کوئی ہم سے بھی سر پھرا نکلا

ہم نے کھودی کھدان ہیرے کی

اور قسمت میں کوئلہ نکلا

عشق بازی نہ چل سکی دو دن

لڑکا وہ عشق میں نیا نکلا

شوقیہ شعر کہہ رہے تھے ہم

لو جی اس میں بھی تو نشہ نکلا

بے مزہ چیزیں جب اکٹھی کیں

ہائے ان میں بھی اک مزہ نکلا

شخص وہ ہی تھا جان سے پیارا

اور وہ ہی تو بے وفا نکلا

اب بھی خود سے کہاں میں مل پائی

اب بھی کیا میرا بچپنا نکلا