zarurat-e-sahar mujhe na KHwahish-e-shaguft-e-gul

zarūrat-e-sahar mujhe na ḳhvāhish-e-shaguft-e-gul

vo chāk-e-pairahan mile jo hashr tak rafū na ho

jise ġhubār-e-rah-guzar samajh ke tū guzar gayā

ḳhayāl kar kabhī vahī maqām-e-justujū na ho

tū gulshan-e-hayāt se nasīm kī tarah guzar

fareb-e-ḳhār-o-ḳhas na khā asīr-e-rang-o-bū na ho

sar-e-ġhurūr jhuk gayā jabīñ pur-āb ho ga.ī

vo hāl-e-dil samajh ga.e hazār guftugū na ho

nazāra-e-jamāl bhī yaqīnan ik gunāh hai

mai-e-adab se 'faiz' agar nigāh kā vuzū na ho

zarurat-e-sahar mujhe na KHwahish-e-shaguft-e-gul

wo chaak-e-pairahan mile jo hashr tak rafu na ho

jise ghubar-e-rah-guzar samajh ke tu guzar gaya

KHayal kar kabhi wahi maqam-e-justuju na ho

tu gulshan-e-hayat se nasim ki tarah guzar

fareb-e-KHar-o-KHas na kha asir-e-rang-o-bu na ho

sar-e-ghurur jhuk gaya jabin pur-ab ho gai

wo haal-e-dil samajh gae hazar guftugu na ho

nazara-e-jamal bhi yaqinan ek gunah hai

mai-e-adab se 'faiz' agar nigah ka wuzu na ho