zarurat ninw ki hoti hai dar se baam se pahle

zarūrat niiñv kī hotī hai dar se baam se pahle

mohabbat ruuh kartī hai sadā ajsām se pahle

mukammal ho ye chāhat bhī na ho kohrām bhī koī

ḳhudā ham ko mile manzil yahāñ ayyām se pahle

dayār-e-ġhair meñ ham ko satātī yaad maazī kī

taḌaptā dil mirā kunj-e-qafas meñ shaam se pahle

na kāñToñ kī hukūmat ho na ḳhanjar ho kisī ke haath

tamanna hai nazārā ho yahī anjām se pahle

tarāshā thā rubā'ī ko bahut logoñ ne pahle bhī

na thī is meñ kabhī zīnat magar ḳhayyām se pahle

nikal kar jab chalī vo to use maañ ne hidāyat dī

ki vāpas lauTnā beTī to ghar par shaam se pahle

huuñ nasl-e-'mīr' se mujh ko suḳhan ke haiñ adab mā'lūm

sadā luuñ naam 'ġhālib' kā kisī bhī naam se pahle

dhaḌaktā dil hamārā hai na qāsid ab talak aaya

mohabbat miT na jaa.e ye tire paiġhām se pahle

mujhe dushman na samjho tum maiñ sachchā dost huuñ 'mīnā'

zarā kuchh pūchh to lete ḳhayāl-e-ḳhām se pahle

zarurat ninw ki hoti hai dar se baam se pahle

mohabbat ruh karti hai sada ajsam se pahle

mukammal ho ye chahat bhi na ho kohram bhi koi

KHuda hum ko mile manzil yahan ayyam se pahle

dayar-e-ghair mein hum ko satati yaad mazi ki

taDapta dil mera kunj-e-qafas mein sham se pahle

na kanTon ki hukumat ho na KHanjar ho kisi ke hath

tamanna hai nazara ho yahi anjam se pahle

tarasha tha ruba'i ko bahut logon ne pahle bhi

na thi is mein kabhi zinat magar KHayyam se pahle

nikal kar jab chali wo to use man ne hidayat di

ki wapas lauTna beTi to ghar par sham se pahle

hun nasl-e-'mir' se mujh ko suKHan ke hain adab ma'lum

sada lun nam 'ghaalib' ka kisi bhi nam se pahle

dhaDakta dil hamara hai na qasid ab talak aaya

mohabbat miT na jae ye tere paigham se pahle

mujhe dushman na samjho tum main sachcha dost hun 'mina'

zara kuchh puchh to lete KHayal-e-KHam se pahle