zaruri kab hai ki har kaam iKHtiyari karen

zarūrī kab hai ki har kaam iḳhtiyārī kareñ

ab apne-āp ko itnā na ḳhud pe taarī kareñ

ye injimād bhī TūTegā dekhnā ik din

ham e'timād se pahle to ḳhud ko jaarī kareñ

koī bhī khel ho hairān ab nahīñ kartā

na jaane kaun se kartab na.e madārī kareñ

bulāvā arsh se aatā hai gar to aatā rahe

jo ḳhāk-zāde hī Thahre to ḳhāksārī kareñ

hai tishnagī se taḳhayyul meñ tāqat-e-parvāz

huzūr mujh ko na sairābiyoñ se bhārī kareñ

kasīf ham haiñ sarāsar magar latīf hai vo

to us ke vāste kyā ḳhud ko ḳhud se aarī kareñ

lagām khīñch ke baiThe haiñ be-niyāz se ham

samand-e-shauq kī ab chāhe jo savārī kareñ

atā kiyā gayā sahrā is ek shart ke saath

'suhail' ham na kabhī vahshatoñ se yaarī kareñ

zaruri kab hai ki har kaam iKHtiyari karen

ab apne-ap ko itna na KHud pe tari karen

ye injimad bhi TuTega dekhna ek din

hum e'timad se pahle to KHud ko jari karen

koi bhi khel ho hairan ab nahin karta

na jaane kaun se kartab nae madari karen

bulawa arsh se aata hai gar to aata rahe

jo KHak-zade hi Thahre to KHaksari karen

hai tishnagi se taKHayyul mein taqat-e-parwaz

huzur mujh ko na sairabiyon se bhaari karen

kasif hum hain sarasar magar latif hai wo

to us ke waste kya KHud ko KHud se aari karen

lagam khinch ke baiThe hain be-niyaz se hum

samand-e-shauq ki ab chahe jo sawari karen

ata kiya gaya sahra is ek shart ke sath

'suhail' hum na kabhi wahshaton se yari karen