zauq-e-gunah o azm-e-pasheman liye hue

zauq-e-gunāh o azm-e-pashemāñ liye hue

kyā kyā hunar haiñ hazrat-e-insāñ liye hue

kufr o ḳhirad ko raas na aa.egī zindagī

jab tak junūñ hai mish.al-e-insāñ liye hue

huuñ un ke sāmne magar un par nazar nahīñ

sa.ī-e-talab hai azm-e-gurezāñ liye hue

dil ko sukūn-e-pasti-e-sāhil se kyā ġharaz

har azm hai bulandī-e-tūfāñ liye hue

gulshan ke dil meñ aaj bhī mahfūz haiñ vo phuul

murjhā ga.e jo dāġh-e-bahārāñ liye hue

aa hī ga.e vo arz-e-nadāmat ko ai 'shakīl'

lālīñ laboñ pe ḳhanda-e-giryāñ liye hue

zauq-e-gunah o azm-e-pasheman liye hue

kya kya hunar hain hazrat-e-insan liye hue

kufr o KHirad ko ras na aaegi zindagi

jab tak junun hai mishal-e-insan liye hue

hun un ke samne magar un par nazar nahin

sai-e-talab hai azm-e-gurezan liye hue

dil ko sukun-e-pasti-e-sahil se kya gharaz

har azm hai bulandi-e-tufan liye hue

gulshan ke dil mein aaj bhi mahfuz hain wo phul

murjha gae jo dagh-e-bahaaran liye hue

aa hi gae wo arz-e-nadamat ko ai 'shakil'

lalin labon pe KHanda-e-giryan liye hue