zauq-e-nazzara liye hum bhi KHabar tak aae

zauq-e-nazzāra liye ham bhī ḳhabar tak aa.e

shab ke pahlū se uThe aur sahar tak aa.e

bū-e-gul bād-e-sabā raqs-e-sharar tak aa.e

rañg honā thā hameñ ḳhūn-e-jigar tak aa.e

abr-e-rahmat hai to shabnam kī tarah se utre

rañg-e-ḳhushbū kī havā arz-e-hunar tak aa.e

is se pahle hī baras jaatā hai ik abr-e-karam

paañv kī dhuul uThe aur mire sar tak aa.e

kyuuñ pareshān hai tū ai mire gum-karda-e-rāh

raah dushvār hai lekin mire ghar tak aa.e

pesh-ḳhema thā yahī fat.h-o-zafar kā shāyad

zer hote hue lashkar jo zabar tak aa.e

zauq-e-nazzara liye hum bhi KHabar tak aae

shab ke pahlu se uThe aur sahar tak aae

bu-e-gul baad-e-saba raqs-e-sharar tak aae

rang hona tha hamein KHun-e-jigar tak aae

abr-e-rahmat hai to shabnam ki tarah se utre

rang-e-KHushbu ki hawa arz-e-hunar tak aae

is se pahle hi baras jata hai ek abr-e-karam

panw ki dhul uThe aur mere sar tak aae

kyun pareshan hai tu ai mere gum-karda-e-rah

rah dushwar hai lekin mere ghar tak aae

pesh-KHema tha yahi fath-o-zafar ka shayad

zer hote hue lashkar jo zabar tak aae