zauq-e-sajda ek naqsh-e-kaamran banta gaya

zauq-e-sajda ek naqsh-e-kāmrāñ bantā gayā

āstāñ par un ke merā āstāñ bantā gayā

be-nishānī ke sahāre par nishāñ bantā gayā

zāmin-e-manzil ġhubār-e-kārvāñ bantā gayā

qudratan barbādiyoñ kī dāstāñ bantā gayā

ḳhud-baḳhud bijlī kī zad meñ āshiyāñ bantā gayā

kyā ḳhatā sayyād kī aur bāġhbāñ kā kyā qusūr

gulsitāñ meñ ḳhud tū nañg-e-gulsitāñ bantā gayā

vā-e-mahrūmī-e-ulfat un kā ġham bhī to nadīm

bad-nasībī se nasīb-e-dushmanāñ bantā gayā

mujh se kyā kahte ho ab duniyā jo kahtī hai kahe

tum karam karte ga.e maiñ dāstāñ bantā gayā

hāmil-e-ta.amīr thī taḳhrīb-e-paiham ai 'shifā'

āshiyāñ miT miT ke naqsh-e-āshiyāñ batā gayā

zauq-e-sajda ek naqsh-e-kaamran banta gaya

aastan par un ke mera aastan banta gaya

be-nishani ke sahaare par nishan banta gaya

zamin-e-manzil ghubar-e-karwan banta gaya

qudratan barbaadiyon ki dastan banta gaya

KHud-baKHud bijli ki zad mein aashiyan banta gaya

kya KHata sayyaad ki aur baghban ka kya qusur

gulsitan mein KHud tu nang-e-gulsitan banta gaya

wa-e-mahrumi-e-ulfat un ka gham bhi to nadim

bad-nasibi se nasib-e-dushmanan banta gaya

mujh se kya kahte ho ab duniya jo kahti hai kahe

tum karam karte gae main dastan banta gaya

hamil-e-tamir thi taKHrib-e-paiham ai 'shifa'

aashiyan miT miT ke naqsh-e-ashiyan bata gaya