zauq-e-talash-e-yar kahan se kahan hai aaj

zauq-e-talāsh-e-yār kahāñ se kahāñ hai aaj

ab merī gard-e-rāh-e-safar kahkashāñ hai aaj

sadiyoñ se zulmatoñ kā zamāne pe raaj hai

ai āftāb-e-sub.h tirī zau kahāñ hai aaj

jin manziloñ kī gard farishte na chhū sake

un manziloñ ke paas mirā kārvāñ hai aaj

bāb-e-haram hai vā na kalīsā ke dar haiñ vā

yaaro chalo ki vā dar-e-pīr-e-muġhāñ hai aaj

'rif.at' ye tere zarf-e-mohabbat pe daaġh hai

jo sail-e-ashk aañkh se terī ravāñ hai aaj

zauq-e-talash-e-yar kahan se kahan hai aaj

ab meri gard-e-rah-e-safar kahkashan hai aaj

sadiyon se zulmaton ka zamane pe raj hai

ai aaftab-e-subh teri zau kahan hai aaj

jin manzilon ki gard farishte na chhu sake

un manzilon ke pas mera karwan hai aaj

bab-e-haram hai wa na kalisa ke dar hain wa

yaro chalo ki wa dar-e-pir-e-mughan hai aaj

'rifat' ye tere zarf-e-mohabbat pe dagh hai

jo sail-e-ashk aankh se teri rawan hai aaj