zehn-e-rasa ko auj-e-falak tak uDan de
Interesting Fact
March 1977
zehn-e-rasā ko auj-e-falak tak uḌaan de
jo dil meñ jāguzīñ ho vo tarz-e-bayān de
harf-e-suḳhan de aisā ki durr-e-yatīm ho
de tamkanat zabān meñ lahje meñ shaan de
arz-o-samā kī vus.ateñ ab mujh pe tañg haiñ
mujh ko na.ī zamīn nayā āsmān de
tūfān abr-o-bād meñ sab haiñ ghire hue
kashtī ko de to kis kī ḳhabar bādbān de
dar pe haiñ tere ḳhuun ke ye tājirān-e-zar
mat yuuñ kisī ke vāste tū apnī jaan de
maazī kī sā.atoñ ko bulātā huuñ is tarah
jaise koī ujaaḌ gharoñ meñ azaan de
ye jism ye bhabhūkā qabā tār-tār sī
'iqbāl' apne haal pe thoḌā to dhyān de
zehn-e-rasa ko auj-e-falak tak uDan de
jo dil mein jaguzin ho wo tarz-e-bayan de
harf-e-suKHan de aisa ki durr-e-yatim ho
de tamkanat zaban mein lahje mein shan de
arz-o-sama ki wusaten ab mujh pe tang hain
mujh ko nai zamin naya aasman de
tufan abr-o-baad mein sab hain ghire hue
kashti ko de to kis ki KHabar baadban de
dar pe hain tere KHun ke ye tajiran-e-zar
mat yun kisi ke waste tu apni jaan de
mazi ki saaton ko bulata hun is tarah
jaise koi ujaD gharon mein azan de
ye jism ye bhabhuka qaba tar-tar si
'iqbaal' apne haal pe thoDa to dhyan de
- Book : Shahar-e-be navaa (Pg. 187)
- Author : Iqbaal Haidari
- Publication : E I Publications (1993)
- Edition : 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
