zehn-o-dil par ghamon ke sae hain

zehn-o-dil par ġhamoñ ke saa.e haiñ

jo the apne vahī parā.e haiñ

rang bharne ko jazb-e-ulfat kā

ham ne ḳhāke ka.ī banā.e haiñ

raah se maiñ bhaTak nahīñ saktā

vaqt ne ruḳh na.e dikhā.e haiñ

aap ke ishq meñ yaqīñ kiije

saikḌoñ ranj-o-ġham uThā.e haiñ

jin se tauhīn thī vafāoñ kī

raaz siine meñ vo chhupā.e haiñ

aa ga.ī bāġhbāñ pe har tohmat

āshiyāñ barq ne jalā.e haiñ

log kahte haiñ sunñe vāloñ ne

sher 'ādil' ke gungunā.e haiñ

zehn-o-dil par ghamon ke sae hain

jo the apne wahi parae hain

rang bharne ko jazb-e-ulfat ka

hum ne KHake kai banae hain

rah se main bhaTak nahin sakta

waqt ne ruKH nae dikhae hain

aap ke ishq mein yaqin kije

saikDon ranj-o-gham uThae hain

jin se tauhin thi wafaon ki

raaz sine mein wo chhupae hain

aa gai baghban pe har tohmat

aashiyan barq ne jalae hain

log kahte hain sunne walon ne

sher 'adil' ke gungunae hain