zehn-o-dil par sawar rahti hai

zehn-o-dil par savār rahtī hai

shā.irī bhī usī ke jaisī hai

maat kaise anā ko denī hai

maiñ ne tarkīb soch rakkhī hai

azm jaatā hai le ke manzil tak

raah to saath saath chaltī hai

maiñ ne dekhā hai vaqt badle to

rañg tasvīr bhī badaltī hai

maiñ ne maanā ki der se hī sahī

ḳhāmushī apnā kaam kartī hai

merā tā.īd karnā lāzim hai

baat un kī zabāñ se niklī hai

ham ko to sarhadoñ ne baañT diyā

us kā lahore merī dillī hai

be-ḳhudī hai ajiib shai 'ādil'

ret meñ machhliyāñ pakaḌtī hai

zehn-o-dil par sawar rahti hai

shairi bhi usi ke jaisi hai

mat kaise ana ko deni hai

main ne tarkib soch rakkhi hai

azm jata hai le ke manzil tak

rah to sath sath chalti hai

main ne dekha hai waqt badle to

rang taswir bhi badalti hai

main ne mana ki der se hi sahi

KHamushi apna kaam karti hai

mera taid karna lazim hai

baat un ki zaban se nikli hai

hum ko to sarhadon ne banT diya

us ka lahore meri dilli hai

be-KHudi hai ajib shai 'adil'

ret mein machhliyan pakaDti hai