zehn par chha gai maut ki be-hisi nind aane lagi

zehn par chhā ga.ī maut kī be-hisī niiñd aane lagī

DhūñDhtā huuñ añdheroñ meñ āsūdgī niiñd aane lagī

bhāgte bhāgte maut ke saa.e se ḳhud hī dhuñdlā ga.e

sochte sochte zindagī zindagī niiñd aane lagī

haiñ isī ahd meñ so tasavvur hasīñ koī apnā nahīñ

thak ga.ī hai mire shauq kī sādgī niiñd aane lagī

ḳhatm haiñ roz-o-shab kī pareshāniyāñ aur hairāniyāñ

thī vo kyā shai jo ab tak nahīñ mil sakī niiñd aane lagī

hairat-añgez rangoñ meñ lipTī huī muztarib naġhmagī

aaj tak apnī lai meñ nahīñ Dhal sakī niiñd aane lagī

hausloñ kā hī anjām haiñ tajrabe bas bhare

āshtī āshtī āshtī āshtī niiñd aane lagī

kyā milā naġhm-o-rañg ke shauq se she'r ke zauq se

ik chubhan ik dukhan ek vāmāñdgī niiñd aane lagī

zehn par chha gai maut ki be-hisi nind aane lagi

DhunDhta hun andheron mein aasudgi nind aane lagi

bhagte bhagte maut ke sae se KHud hi dhundla gae

sochte sochte zindagi zindagi nind aane lagi

hain isi ahd mein so tasawwur hasin koi apna nahin

thak gai hai mere shauq ki sadgi nind aane lagi

KHatm hain roz-o-shab ki pareshaniyan aur hairaniyan

thi wo kya shai jo ab tak nahin mil saki nind aane lagi

hairat-angez rangon mein lipTi hui muztarib naghmagi

aaj tak apni lai mein nahin Dhal saki nind aane lagi

hauslon ka hi anjam hain tajrabe bas bhare

aashti aashti aashti aashti nind aane lagi

kya mila naghm-o-rang ke shauq se she'r ke zauq se

ek chubhan ek dukhan ek wamandgi nind aane lagi