zehn se shoala-e-ehsas bujhane aae

zehn se sho.ala-e-ehsās bujhāne aa.e

aaj kuchh log mirā dard baTāne aa.e

ek mauhūm sahārā hai jiye jaane kā

aap vo ḳhvāb bhī āñkhoñ se churāne aa.e

aaj tahzīb kī bārūd bichhī hai har samt

kaun insāñ ko tabāhī se bachāne aa.e

khīñch kar baiThe haiñ kuchh log hisār-e-auhām

jis meñ himmat ho ye dīvār girāne aa.e

nafrat-o-buġhz kī āñdhī meñ janāb-e-'mehdī'

aap kyoñ sham.a mohabbat kī jalāne aa.e

zehn se shoala-e-ehsas bujhane aae

aaj kuchh log mera dard baTane aae

ek mauhum sahaara hai jiye jaane ka

aap wo KHwab bhi aankhon se churane aae

aaj tahzib ki barud bichhi hai har samt

kaun insan ko tabahi se bachane aae

khinch kar baiThe hain kuchh log hisar-e-auham

jis mein himmat ho ye diwar girane aae

nafrat-o-bughz ki aandhi mein janab-e-'mehdi'

aap kyon shama mohabbat ki jalane aae