zid pe aDne mein der kya lagti

zid pe aḌne meñ der kyā lagtī

us ko paane meñ der kyā lagtī

ek kirdār thā kahānī meñ

ḳhatm hone meñ der kyā lagtī

ishq thā to ḳhayāl rakkhā bhī

zaḳhm dene meñ der kyā lagtī

zindagī maut se bhī kyā kam thī

zahr khāne meñ der kyā lagtī

paas ik āftāb thā mere

lau jalāne meñ der kyā lagtī

zaḳhm achchhā nahīñ milā varna

jaan jaane meñ der kyā lagtī

chāhiye hī nahīñ use mujh sā

maiñ huuñ kahne meñ der kyā lagtī

vo ishāra agar mujhe kartā

ek hone meñ der kyā lagtī

zid pe aDne mein der kya lagti

us ko pane mein der kya lagti

ek kirdar tha kahani mein

KHatm hone mein der kya lagti

ishq tha to KHayal rakkha bhi

zaKHm dene mein der kya lagti

zindagi maut se bhi kya kam thi

zahr khane mein der kya lagti

pas ek aaftab tha mere

lau jalane mein der kya lagti

zaKHm achchha nahin mila warna

jaan jaane mein der kya lagti

chahiye hi nahin use mujh sa

main hun kahne mein der kya lagti

wo ishaara agar mujhe karta

ek hone mein der kya lagti