zidon ko apni tarasho aur un ko KHwab karo
zidoñ ko apnī tarāsho aur un ko ḳhvāb karo
phir us ke ba.ad hī manzil kā intiḳhāb karo
mohabbatoñ meñ na.e qarz chaḌhte rahte haiñ
magar ye kis ne kahā hai kabhī hisāb karo
tumheñ ye duniyā kabhī phuul to nahīñ degī
mile haiñ kāñTe to kāñToñ ko hī gulāb karo
siyāh raato chamaktī nahīñ hai yuuñ taqdīr
uThāo apne charāġhoñ ko māhtāb karo
ka.ī sadā.eñ Thikāna talāsh kartī huī
fazā meñ guuñj rahī haiñ unheñ kitāb karo
kisī ke rañg meñ Dhalnā hī hai agar 'dānish'
to apne aap ko thoḌā bahut ḳharāb karo
zidon ko apni tarasho aur un ko KHwab karo
phir us ke baad hi manzil ka intiKHab karo
mohabbaton mein nae qarz chaDhte rahte hain
magar ye kis ne kaha hai kabhi hisab karo
tumhein ye duniya kabhi phul to nahin degi
mile hain kanTe to kanTon ko hi gulab karo
siyah raato chamakti nahin hai yun taqdir
uThao apne charaghon ko mahtab karo
kai sadaen Thikana talash karti hui
faza mein gunj rahi hain unhen kitab karo
kisi ke rang mein Dhalna hi hai agar 'danish'
to apne aap ko thoDa bahut KHarab karo
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
