zinat-e-anjuman-e-naz na hone pae

zīnat-e-anjuman-e-nāz na hone paa.e

bul-havas ishq meñ mumtāz na hone paa.e

terī nafrat kā ayaañ raaz na hone paa.e

dil ko yuuñ toḌ ki āvāz na hone paa.e

dāstān-e-ġham-e-dil un ko sunānā hai to phir

koī pahlū nazar-andāz na hone paa.e

chashm-e-tar ne mirī ulfat kā bharam khol diyā

mere aañsū mire hamrāz na hone paa.e

zinat-e-anjuman-e-naz na hone pae

bul-hawas ishq mein mumtaz na hone pae

teri nafrat ka ayan raaz na hone pae

dil ko yun toD ki aawaz na hone pae

dastan-e-gham-e-dil un ko sunana hai to phir

koi pahlu nazar-andaz na hone pae

chashm-e-tar ne meri ulfat ka bharam khol diya

mere aansu mere hamraaz na hone pae