zinat-e-unwan hai mazmun aalam-e-tauhid ka

zīnat-e-unvāñ hai mazmūñ ālam-e-tauhīd kā

matla-e-dīvāñ na kyuuñ matl.a bane ḳhurshīd kā

ye savād-e-nāma hai yā surma-e-tasḳhīr hai

hai bayāz-e-saf.ha yā hai nuur sub.h-e-īd kā

dair meñ hai vo na hai ka.abe meñ aur hai sab kahīñ

tālib-e-nazzāra ko gar ho salīqa diid kā

ho jo us ke naam par āġhāz puurā ho vo kaam

hai bar-ārinda vahī har shaḳhs kī ummīd kā

jo milā us se use kahtā hai aalam mar gayā

naam murda rakh diyā hai zinda-e-jāved kā

lan-tarānī hī rahī us shoḳh ko ushshāq se

hausla paidā na kis kis ko huā go diid kā

taaza mazmūñ 'sehr' apnī tab-e-mauzūñ se nikāl

ho na tū tarz-e-suḳhan meñ āshnā taqlīd kā

zinat-e-unwan hai mazmun aalam-e-tauhid ka

matla-e-diwan na kyun matla bane KHurshid ka

ye sawad-e-nama hai ya surma-e-tasKHir hai

hai bayaz-e-safha ya hai nur subh-e-id ka

dair mein hai wo na hai kabe mein aur hai sab kahin

talib-e-nazzara ko gar ho saliqa did ka

ho jo us ke nam par aaghaz pura ho wo kaam

hai bar-arinda wahi har shaKHs ki ummid ka

jo mila us se use kahta hai aalam mar gaya

nam murda rakh diya hai zinda-e-jawed ka

lan-tarani hi rahi us shoKH ko ushshaq se

hausla paida na kis kis ko hua go did ka

taza mazmun 'sehr' apni tab-e-mauzun se nikal

ho na tu tarz-e-suKHan mein aashna taqlid ka