zist be-asra na ho jae
ziist be-āsrā na ho jaa.e
dard dil se judā na ho jaa.e
lutf aatā hai rañj sahne meñ
mere ġham kī davā na ho jaa.e
aa rahī hai bahār phūloñ par
josh-e-vahshat sivā na ho jaa.e
kah to duuñ hāl-e-dil use lekin
Dar hai zālim ḳhafā na ho jaa.e
ḳhauf hai mujh se aañkh laḌte hī
un kī shoḳhī hayā na ho jaa.e
vo gurezāñ se haiñ sitam se 'naresh'
zindagī be-maza na ho jaa.e
zist be-asra na ho jae
dard dil se juda na ho jae
lutf aata hai ranj sahne mein
mere gham ki dawa na ho jae
aa rahi hai bahaar phulon par
josh-e-wahshat siwa na ho jae
kah to dun haal-e-dil use lekin
Dar hai zalim KHafa na ho jae
KHauf hai mujh se aankh laDte hi
un ki shoKHi haya na ho jae
wo gurezan se hain sitam se 'naresh'
zindagi be-maza na ho jae
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
