zist honi tajjubaat hai ab
ziist honī ta.ajjubāt hai ab
mar hī jaanā bas ek baat hai ab
daur meñ tere hai vo kuchh andher
nahīñ ma.alūm din hai raat hai ab
dil hai zinda na jī hī jiitā hai
zindagī bad-tar-az-mamāt hai ab
itne be-dīd be-shunīd hue
na tavajjoh na iltifāt hai ab
hijr kaisā visāl ho bil-farz
kuchh hī sūrat ho mushkilāt hai ab
jī hī lenā ba-lutf hai manzūr
is qadar jo tafazzulāt hai ab
jiite jī to rahā visāl muhāl
mar chuke par tavaqquāt hai ab
kuchh na pūchho 'asar' kī bechainī
na sukūnat hai ne sabāt hai ab
zist honi tajjubaat hai ab
mar hi jaana bas ek baat hai ab
daur mein tere hai wo kuchh andher
nahin malum din hai raat hai ab
dil hai zinda na ji hi jita hai
zindagi bad-tar-az-mamat hai ab
itne be-did be-shunid hue
na tawajjoh na iltifat hai ab
hijr kaisa visal ho bil-farz
kuchh hi surat ho mushkilat hai ab
ji hi lena ba-lutf hai manzur
is qadar jo tafazzulat hai ab
jite ji to raha visal muhaal
mar chuke par tawaqquat hai ab
kuchh na puchho 'asar' ki bechaini
na sukunat hai ne sabaat hai ab
- Deewan-e-asar
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
