زیست کی حد ہے جہاں تک ہمت مردانہ ہے

زیست کی حد ہے جہاں تک ہمت مردانہ ہے

آدمی تاریخ ہے اور آدمی افسانہ ہے

خم کہیں بھرپور ہے خالی کہیں پیمانہ ہے

تو کہاں سوئی ہوئی اے جرأت رندانہ ہے

ساری دنیا اک فریب جلوۂ جانانہ ہے

یہ حرم ہے دور سے نزدیک سے بت خانہ ہے

وقت کا میری طرح ان کو بھی ہے شکوہ مگر

میرے شکوہ کا ذرا انداز بیباکانہ ہے

یہ کسی نے بھی نہ دیکھا آگ پروانے میں تھی

یہ زمانہ دیکھتا ہے آگ میں پروانہ ہے

کچھ ہوا دے دیں اگر بیرون در کی کوششیں

گھر جلانے کے لئے حاضر چراغ خانہ ہے

تشنگیٔ شوق منزل تک سلامت لے کے جا

ہوشیار اے راہ رو ہر موڑ پر مے خانہ ہے

پرسش احوال پر جز شکر کچھ کہتے نہیں

بوریے پر بھی مزاج اہل دل شاہانہ ہے