zist ki sham talak teri talab

ziist kī shaam talak terī talab

sub.h-e-hangām talak terī talab

shaam se sub.h talak terā ḳhayāl

sub.h se shaam talak terī talab

gaañv se shahr talak ḳhat kā safar

tere hamnām talak terī talab

misr se shaam talak pā-ba-rikāb

shahr-e-asnām talak terī talab

'ishq kī āḳhirī me'rāj hai tū

she’r-o-ilhām talak terī talab

chashm-e-ushshāq ko phirtī hai liye

baam se baam talak terī talab

shahr-e-taqdīs se le aa.ī mujhe

shahr-e-auhām talak terī talab

'ishq garche hai qabīle meñ harām

apne anjām talak terī talab

zist ki sham talak teri talab

subh-e-hangam talak teri talab

sham se subh talak tera KHayal

subh se sham talak teri talab

ganw se shahr talak KHat ka safar

tere hamnam talak teri talab

misr se sham talak pa-ba-rikab

shahr-e-asnam talak teri talab

'ishq ki aaKHiri me'raj hai tu

she’r-o-ilham talak teri talab

chashm-e-ushshaq ko phirti hai liye

baam se baam talak teri talab

shahr-e-taqdis se le aai mujhe

shahr-e-auham talak teri talab

'ishq garche hai qabile mein haram

apne anjam talak teri talab