زیست کی زلفیں پریشاں ہیں تو سلجھائے گا کون

زیست کی زلفیں پریشاں ہیں تو سلجھائے گا کون

حشر کا میداں ہے دنیا کس کے کام آئے گا کون

جان بچتی ہے کسی کی جھوٹ سے تو ٹھیک ہے

اک ذرا سی بات پر جھوٹی قسم کھائے گا کون

رہنماؤں کو بھی بھٹکا دیتے ہوں جو راہرو

اس قدر بھٹکے ہوؤں کو راہ پر لائے گا کون

قہر جب نازل ہوا اڑنے لگے ظالم کے ہوش

زعم تھا ندان کو اس پر ستم ڈھائے گا کون

کہتے ہیں کہ خلد مل جائے گی تقوے سے مگر

یہ حقیقت تلخ تر ہے اس کو اپنائے گا کون

جلوہ جاناناں تو موجود ہے مخفی مگر

حضرت موسیٰ نہیں ہیں طور پر جائے گا کون