زیست کو چاہئے بس تیرا سہارا جاناں

زیست کو چاہئے بس تیرا سہارا جاناں

یہ سہارا ہی تو ہے ایک ہمارا جاناں

بندہ پرور مری تقدیر سنور جائے گی

اک تری چشم کرم سے ہے گزارا جاناں

عشق کا رنج و الم دل میں لیے بیٹھے ہیں

تجھ سے شکوہ تو نہیں کوئی ہمارا جاناں

بحر عصیاں میں ہوں ڈوبا ہوا میں سر تا پا

تیری بخشش کا ملے مجھ کو کنارا جاناں

آتش ہجر نے گلشن کو کیا ہے ویران

بارش وصل کی حاجت ہے دوبارا جاناں

بازیٔ عشق میں دل ہار گیا ہے عثمانؔ

ہار کر جیت کہاں اس کو گوارا جاناں