زیست میں رنگ بھر گئی آخر
زیست میں رنگ بھر گئی آخر
وہ نظر کام کر گئی آخر
جذب وحشت کی کارسازی سے
دل کی قسمت سنور گئی آخر
چیر کر پردۂ مہ و انجم
آپ ہی پر نظر گئی آخر
جو قیامت گزرنی تھی ہم پر
دل کے ہاتھوں گزر گئی آخر
ہائے وہ اک نگاہ دزدیدہ
کیا کیا الزام دھر گئی آخر
جو خلش دل میں تھی نہاں پہلے
رگ و پے میں اتر گئی آخر
عزم تاباں سے برسر منزل
روشنی سی بکھر گئی آخر
سوز دل کے طفیل اے منشاؔ
شاعری بھی نکھر گئی آخر
مأخذ :
- Nawa-e-Dil
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
