zikr-e-nashat KHalwat-e-gham mein bura lage

zikr-e-nashāt ḳhalvat-e-ġham meñ burā lage

tum bhī agar milo to mujhe hādisa lage

jab bhī kisī kī sa.i-e-karam kī havā lage

mujh ko mirā vajūd bikhartā huā lage

huuñ mujrim-e-hayāt mujhe kyuuñ burā lage

ye daur-e-zindagī jo musalsal sazā lage

is daur kā nasīb hai vo manzil-e-hayāt

ahbāb kā ḳhulūs jahāñ sāneha lage

hālāt saañs lete haiñ dahshat kī chhāñv meñ

merā zamīr mujh hī se Dartā huā lage

yuuñ uTh ga.ī hai dahr se apnā.iyat ki ab

miliye jo ḳhud se bhī to koī dūsrā lage

is tarah rā.egāñ ga.ī 'nāzish' mirī vafā

jaise kisī faqīr ke dar par sadā lage

zikr-e-nashat KHalwat-e-gham mein bura lage

tum bhi agar milo to mujhe hadisa lage

jab bhi kisi ki sai-e-karam ki hawa lage

mujh ko mera wajud bikharta hua lage

hun mujrim-e-hayat mujhe kyun bura lage

ye daur-e-zindagi jo musalsal saza lage

is daur ka nasib hai wo manzil-e-hayat

ahbab ka KHulus jahan saneha lage

haalat sans lete hain dahshat ki chhanw mein

mera zamir mujh hi se Darta hua lage

yun uTh gai hai dahr se apnaiyat ki ab

miliye jo KHud se bhi to koi dusra lage

is tarah raegan gai 'nazish' meri wafa

jaise kisi faqir ke dar par sada lage