ذکر میرا کہاں نہیں ہوتا

ذکر میرا کہاں نہیں ہوتا

وہ جہاں ہیں وہاں نہیں ہوتا

دل کے شعلے تو بجھ گئے دل میں

شہر غم میں دھواں نہیں ہوتا

حرف اک راز غم ہے چھوٹا سا

وہ بھی دل میں نہاں نہیں ہوتا

میم کے سر پہ عین اک نقطہ

یہ بھی نکتہ بیاں نہیں ہوتا

آج محفل میں چپ وہ بیٹھے ہیں

ورنہ کیا کیا بیاں نہیں ہوتا

دوستی ہو گئی حوادث سے

جب کوئی مہرباں نہیں ہوتا

دشت اپنے لئے نشیمن ہے

راس جب گلستاں نہیں ہوتا

دن میں آئیں وہ کیسے میرے گھر

راہ میں کہکشاں نہیں ہوتا

راہ الفت سے باز آ دیوانؔ

اس میں منزل نشاں نہیں ہوتا