ذکر میرا لب حسین پہ تھا

ذکر میرا لب حسین پہ تھا

میں ڈرامے کے پہلے سین پہ تھا

سارا قصہ الف سے یہ تک کل

چہرہ چہرہ مری جبین پہ تھا

رات تاروں کی انجمن میں کٹی

آنکھ کھلتے ہی میں زمین پہ تھا

میری انگلی میں چیخ اٹھی سگریٹ

کاف کا بوجھ گرچہ شین پہ تھا

دن کی تاریکیاں سمیٹے ہوئے

رات سورج نئی مشین پہ تھا

تم بھی اندھے کنوئیں میں تنہا تھے

میں بھی تنہا فصیل چین پہ تھا

میں نے سوچا کہ دوں صدا در پر

گھر مسلط مگر مکین پہ تھا

وہ تو بت خانہ مل گیا انورؔ

ورنہ میں کل بھی راہ دین پہ تھا