ذکر منہ پر بہار جیسا ہے

ذکر منہ پر بہار جیسا ہے

پیٹھ پیچھے کٹار جیسا ہے

سچ کا دامن ببول کی صورت

جھوٹ کا فن چنار جیسا ہے

خود کو کب تک سنبھال کر رکھیں

اپنا ہم بھی شکار جیسا ہے

پھول کانٹوں میں بھی نکل آئے

ذہن لیکن شرار جیسا ہے

جس کو دیکھو وہ پوجتا ہے اسے

وقت بھی کیا مزار جیسا ہے

دفعتاً مجھ پہ آپ کا یہ کرم

شیشۂ دل پہ بار جیسا ہے

درد و غم کیوں نہ ہوں شریک حیات

دل کا رشتہ بھی ہار جیسا ہے

روز دیتے ہو پھول کا تحفہ

یہ بھی اخترؔ ادھار جیسا ہے